++ Bam an d’Stooss gefall ++ Géint 15 Auer sin mer geruff gin, well ë Bam den an d’Strooss gefall ass, dëss an Richtung Esch verspaart huet.
++ Rettung vun enger Waasserschildkröt ++ Den 29. Januar um 14:30 Auer, hat et d’Permanence mat engem méi ongewéinlechen Asaz ze din. Hei ass hannert der Gemeng an der Kaylbaach eng ausgesaate Waasserschildkröt fonnt gin. Dëss gouf gebuergen an an ë neit Doheem bruecht.
++ Accident ++ Um fréie Méindeg Owend um 16:40 Auer sin mer an d’rue des Martyrs geruff gin. Hei hat een Automobilist aus nach ongeklärter Ursach Kontroll iwwer säin Gefier verluer, ass an e Luuchtepotto gerannt an koum bessi méi wäit op der Stross un d’Stoën. De Chauffer ass net blesséiert gin. Op der Plaz war d’Permanence mam TLF 2000 an d’Police.
++ Wasserfuite beim Musée des Mines ++ Den 21. Januar um 21:25 Auer huet den 112 eis geruff, well eng Wasserfuite beim Musée des Mines gemellt gouf. No enger Erkundung op der Plaz huet sech erausgestallt, dat eng Leitung déi baussen un der Mauer leeft durch déi nidreg Temperaturen auserneen gefuer ass. D’Wasser ass ofgestallt gin an d’Permanence konnt erëm erafueren.
++ Accident ++ Den 18. Januar kuerz no 7 Auer , sinmer op en Accident um Poteau geruff gin. Op der Kräizung waren 2 Autoën net laangschteneen komm. Den Opprall war sou stark, dat een vun den Gefierer vun der Stross ofkomm ass, e Schëld ze paken krutt an am Gruef leienbliwwen ass. Heibäi gouf keng Persoun blesséiert, mee den Materialschued dogéint ass héisch. Op der Plaz war d’Permanence mat 5 Leit an eng Patrouille vun der Police.
++ 2 Blesséierter no Bal ++ An der Nuescht op den 16. Januar sin mer op en Bal geruff gin wou 2 Persounen blesséiert goufen. En Auto den engem aneren wollt ausweechen war hei un d’Rutschen komm an huet dobäi 1 Persoun ze paken kritt. Eng zweet Persoun huet sech beim Versuch ewech ze sprangen blesséiert. Déi zwou Persounen sin fir eng Kontroll an weider Ënnersichungen an d’Spidol komm. Op der Plaz war eis Permanence, souwéi den Sauvetage vum CISKT an d’Police.
Géint 22:55 Auer si mer geruff gin fir der Schwéiergewichtsambulanz vun Esch eng Hand unzepaken an eng Persoun vum 1ten Stack erofzekréien. Hei konnt een Trappenlift benotzt gin an d’Persoun konnt esou schounend an d’Ambulanz gedroën gin. Op der Plaz waren d’Permanence vu Rëmeleng, den Sauvetage an eng Ambulanz vum CISKT, an d’Schwéiergewichtsambulanz vun Esch. E puer Stonnen drop géint 2:48 Auer ass d’Permanence dann nach eemol op déi selwescht Plaz geruff gin, fir d’Persoun erëm erop an d’Wunneng ze kréien. Dëss Kéier war d’Ambulanz vun Esch „hors service“ sou dat d’Schwéiergewichtsambulanz vun Ettelbréck huet missten erof hëllefen kommen. … Continue reading
Um 19:50 Auer si mer geruff gin wéinst enger Wasserfuite an engem Appartement. No enger éischter Erkundung op der Plaz ass festgestallt gin, dat Wasser aus enger Wunneng vum 5ten op den 4ten Stack gelaf ass. d’Bewunner vum irwechte Stack waren net doeem, an sou hu mir missten a Presenz vun der Police d’Dier opbriechen. D’Fehlerquell gouf sou séier erkannt an éliminéiert. Op der Plaz war eis Permanence mat 10 Leit souwéi eng Patrouille vun der Police.
Géint 18:30 Auer sin mer fir zweet den Dag geruff gin, wéinst engem Accident wou een Auto engem Bus hannendrop gerannt wor. Hei gouf keng Persoun blesséiert an eis Permanence konnt nodems si Stross gebotzt hun erëm eran fueren.
Géint 12 Auer ass eis Permanence geruff gin fir eng Dier opzemachen, well eng eeler Persoun gefall wor an d’Dier net méi alleng opkrut.
