Um Sonnden de Moien um 3:50 Auer, ass en Groussalarm wéint engem Feier an engem Café ausgeléist. An der Rue de la croix war an engem Café aus nach ongeklärte Grënn e Feier ausgebrach. Den Brand war seier ënner Kontroll an et ass kengem eppes geschitt. No dem Belëften vum Trapenhaus konnten d’Bewunner nees zeréck an hier Wunnengen iwwert dem Café. Op der Plaz waren d’Pompjeeën vu Rëmeleng, 2 Police Patrullen, eng Ambulanz vu Kayl, de Regional Inspekter an d’Police Technique.
Um Mëttwoch Owend géint 19:50 Auer ass eis Permanence geruff gin fir der Ambulanz an dem SAMU eng Hand mat unzepaken. Mat dobäi war Dréihleeder (DLK) vun Käl fir den Patient duerch d’Fenster vum 3ten Stack erofzehuelen. Op der Plaz war d’Permanence vu Rëmeleng, den Asazzenter Käl mat enger Ambulanz an der Dréihleeder souwéi och den SAMU vun Esch.
Den Moien um 9:15 Auer ass eis Permanence geruff gin, fir der Ambulanz an dem Samu eng Hand mat unzepacken an sou zesummen en Patient schounend an ouni Komplikatiounen an d’Ambulanz ze kréien. Op der Plaz waren eng Ambulanz vun Kayl, den Samu vun Esch an eis Permanence mat 5 Leit.
Géint 17 Auer, ass d´Permanence op den 3ten Asatz fir haut geruff gin, mat der Meldung, dat Wasser an Garagen an Kelleren an der rue Ferrer géif laafen. Op der Platz huet d´Permanence eng riesen Wasserfontaine virfonnt. Den Schieber ass dun seier zougedréint gin, sou dat en gréisseren Wasserschued verhennert konnt gin. No enger Erkundung huet sech erausgestallt, dat en Standrouer vun engem Chantier eweg gefuer ass. D´Wasser an den Kelleren huet missen evakuéiert gin. Op der Platz war d´Permanence mat 7 Leit an 3 Ween.
Haut den Moien géint 7:00 Auer koum et an der rue des Martyres zu engem Acident tëscht engem Auto an engem Moto, woubäi et een liicht Blesséierten gouf.
An der Nuescht vun e Sonnden op e Méinden, sin mer géint 3:10 Auer an d’Primärschoul „Sauerwiesen“ geruff gin, well do den Feieralarm ausgeléist war. No grëndlecher Duerchsichung huet sech erausgestallt dat et een Fehlalarm war.
Donneschtes, den 7ten Mee 2015 ass eis Permanence um 12:04 Auer op eng Aide Ambulance geruff gin, fir eng Persoun an d’Ambulance ze droën.
Um 1:47 Auer ass d’Permanence den 3ten Mee 2015 geruff gin fir eng Dier d’urgence opzemachen. Hei war eng Persoun gefall an konnt d’Dier net méi opmachen. D’Persoun ass dono mat der Ambulanz an d’Spidol gefouert gin.
Samstes den 2ten Mee 2015, sin d’Rëmelenger Pompjeeën géint 18:20 Auer geruff gin, well eng Persoun vermësst gouf. Wéi d’Pompjeeën ennerwee waren fir op d’Plaz, ass d’Interventioun annuléiert gin, well d’Persoun erëm fonnt gin ass.
Den 1ten Mee 2015 sin d’Rëmelenger Pompjeeën géint 19:40 Auer an d’Rue de la Bruyère geruff gin, wou aus engem Haus Damp soll erauskommen. Wéi mer awer op der Plaz ukomm sin huet sech schnell erausgestallt dat et keen Feier ass, mee dat d’Famill am Gaart gegrillt huet.
