Den 25/02/2015 kuerz virun 6 Auer ass et am Beruffstrafic Richtung Grenz zu engem klengen Accrochage tëscht 2 Autoën komm. Eng Persoun ass mat liichte Verletzungen an d’Spidol bruecht gin. Op der Plaz waren d’Permanence vun de Rëmelenger Pompjeeën an eng Ambulanz aus dem Asazzenter vun Käl, souwéi d’Police vun Esch.
Um Freiden ass eis Permanence um 21:05 Auer geruff gin fir der Ambulanz eng Hand mat unzepaken.
Géint 10:40 Auer ass eis Permanence op eng Aide Ambulance geruff gin, fir ee Patient durch en Trappenhaus erof an d’Ambulanz ze transportéieren.
Haut kuerz virun Mëtteg haten mer eng Mazoutspuer. Hei war Mazout iwwert eng Streck vun Téiteng duerch d’rue du cimetière bis op Rëmeleng ausgelaf. Mat Hëllef vun den käler Pompjeeën an eisem TLF 2000 gouf déi ganz Strooss nees propper gemach.
Gëschter Mëtten géint 15:20 Auer gouf eis Permanence op een Accident mat zwee Gefierer um Poteau Richtung Esch geruff. Een Auto ass hei engem zweeten Auto, den ee Foussgänger wollt iwwert d’Stross lossen, hannendrop gerannt. 2 Persounen gouffen heibäi blesséiert. Op der Plaz waren d’Permanence vun Rëmeleng, den Sauvetage Käl an 2 Ambulanzen vun Käl.
